राष्ट्रिय बीमा कम्पनीले चालु आर्थिक वर्ष २०७५/७६ को दोस्रो त्रैमासको अवधिमा ७२ करोड २२ लाख ५२ हजार रुपैयाँ कुल बीमा शुल्क आर्जन गरेको छ । गत आवको सोही अवधिको तुलनामा यो ४५.१२ प्रतिशतले बढी हो । गत आवको पुस मसान्त सम्ममा कम्पनीले ४९ करोड ७६ लाख ७५ हजार कुल बीमा शुल्क आर्जन गरेको थियो ।
चालु आवको दोस्रो त्रैमासको अवधिमा कम्पनीले ७ हजार ४५ वटा बीमालेख जारी गरेको छ । गत आवको सोही अवधिमा कम्पनीले ७ हजार ७ सय ८८ वटा बीमालेख जारी गरेको थियो ।
चालु आवको दोस्रो त्रैमासको अवधिमा कम्पनीको खुद नाफामा गिरावट आएको छ । चालु आवको दोस्रो त्रैमासको अवधिमा कम्पनीले १६ करोड ८४ लाख ५१ हजार रुपैयाँ खुद नाफा आर्जन गर्न सफल भएको छ । गत आको पुस मसानतको अवधिको तुलनामा यो ५४.७९ प्रतिशतले कमी हो । गत आवको सोही अवधिमा कम्पनीले ३७ करोड २५ लाख ४ हजार रुपैयाँ खुद नाफा कमाएको थियो ।
कम्पनीको चुक्ता पूँजी २६ करोड ६६ लाख ३९ हजार रुपैयाँ पुगेको छ । यस्तै राष्ट्रिय बीमा कम्पनीको बीमा कोषमा १ अर्ब ४३ करोड ६५ लाख ४९ हजार रुपैयाँ जम्मा भएको छ । कम्पनीको प्रतिशेयर आम्दानी १ सय २६ रुपैयाँ ३५ पैसा रहेको छ ।भने प्रतिशेयर नेटवर्थ ९ सय ८ रुपैयाँ १६ पैसा रहेको छ ।
