काठमाडौं । शेयर बजारमा रौनक फर्किएसँगै सबै सेक्टरमा चलायमान हुन थालेको छ। हिजो मंगलबारको कारोबार हेर्ने हो भने लगानीकर्ता जलविद्युत समूहमा झम्मिन थालेको देखिन्छ। हिजो जलविद्युत उपसमूह सर्वाधिक ५.४५ अंकले बढेको छ।
अहिले शेयरमा विशेषगरी साना लगानीकर्ताहरु सक्रिय रुपमा कारोबार गरिरहेका छन्। उनीहरु सस्ता र राम्रा शेयर खोजीमा रहेको देखिन्छ।
जलविद्युत समूहमा अझै २०० रुपैयाँ मुनिका थुप्रै शेयर रहेका छन्। तीमध्ये राम्रा र बलिया कम्पनी छानेर लगानी गर्न सके छोटो समयमै धेरै फाइदा निकाल्न सकिने बजार जानकारहरु बताउँछन्।
मंगलबार अन्तिम कारोबार मूल्यअनुसार यी हुन् शेयरभाउ २०० रुपैयाँ मुनिका जलविद्युत कम्पनी
- अरुण भ्याली हाइड्रोपावरः १९५ रुपैयाँ
- शिवश्री हाइड्रोपावरः १९२ रुपैयाँ
- सिंगटी हाइड्रोः १८८.६० रुपैयाँ
- अप्पर तामाकोशीः १८६.७० रुपैयाँ
- घलेम्दी हाइड्रोः १८१ रुपैयाँ
- नेसनल हाइड्रोपावरः १७५ रुपैयाँ
- आँखु खोला जलविद्युतः १६२.८० रुपैयाँ
- हिमाल दोलखा हाइड्रोपावरः १५९.९० रुपैयाँ
