काठमाडौं । मेरो माइक्रोफाइनान्स लघुवित्त वित्तीय संस्था र इन्फो डेभलोपर्स प्रालिबीच सम्झौता भएको छ । लघुवित्त संस्थाले ट्याब तथा मोबाइल बैंकिङ, एसएमएस सेवा सम्बन्धी सम्झौता गरेको जनाएको छ ।
सम्झौतापत्रमा माइक्रोफाइनान्सका तर्फबाट प्रमुख कार्यकारी अधिकृत रामहरि दाहाल र इन्फो डेभलपर्सका तर्फबाट प्रमुख कार्यकारी अधिकृत उमेश रघुवंशीले हस्ताक्षर गरेका छन् ।
कम्पनीका प्रमुख कार्यकारी अधिकृत रामहरि दाहालले ग्राहकलाई समय सापेक्ष डिजिटलमाध्यममार्फत नवीनतम् सेवा उपलब्ध गराउन उक्त सम्झौताले फाइदा पुग्ने बताए ।
साथै, लघुवित्तको क्षेत्रमा नौलौ प्रयोगमा रहेको र ग्राहकले आफ्नो घरमा नै बसि मोबाइलमार्फत बचत, कर्जाको स्थितिको जानकारी तथा विभिन्न सेवा प्राप्त गर्न सकिने समेत बताए ।
