काठमाडौं । मेरोमाइक्रोफाइनान्स लघुबित्त बित्तीय संस्था लिमिटेडले १९ स्थानीय राहत कोषमा आर्थिक सहयोग गरेको छ।
फाइनान्सले कोरोना भाइरसको रोमथाम तथा नियन्त्रणका लागि दुर्गम क्षेत्रमा बसोबास गर्ने अति विपन्न तथा आर्थिक स्थिति कमजोर भएका वर्गहरुलाई तत्काल राहत हुने गरी संस्थाका स्थानीय तह अन्तर्गत रहेका १९ वटा गाउँपालिका तथा नगरपालिकाका शाखाहरु मार्फत स्थानीयतह राहत कोषमा छ लाख ५९ हजार आर्थिक सहयोग गरेको हो।
फाइनान्सका प्रमुख कार्यकारी अधिकृत रामहरी दाहालले समुदाय स्तरमा निरन्तर सहयोग प्रदान गर्दै आएको र सो सहयोगबाट आम नागरिकको स्वास्थ्य सुरक्षाको अभियानलाई थप मजबुद बनाउने विश्वास लिएको बताए ।
यस अघि फाइनान्सले संघिय सरकारको कोरोना नियन्त्रण तथा राहत कोषमा २५ लाख ६० हजार रुपैयाँ आर्थिक सहयोग गरिसकेको छ ।
मेरोमाइक्रोफाइनान्स लघुबित्त बित्तीय संस्था नुवाकोटको बट्टारमा कर्पोरेट कार्यालय रहि देशका ५९ जिल्लामा १२० शाखा कार्यालय मार्फत लघुबित्तीय सेवा प्रदान गरिरहेको छ
