काठमाडौं । मेरो माइक्रोफाइनान्सले आर्थिक वर्ष २०७६/ ७७ को अरिष्कृत वित्रीय विवरण प्रकाशन गरेको छ । संस्थाले गत आर्थिक वर्षको चौथो त्रैमासमा अघिल्लो वर्षको सोहि अवधिको तुलनामा संस्थाको नाफा ३ प्रतिशतले बृद्धि गरेको वित्तीय विवरण प्रकाशन गरेको छ ।
अघिल्लो वर्ष सो अवधिमा १५ करोड ६८ लाख ८ हजार खुद नाफा गरेको कम्पनीले गत वर्ष १६ करोड २२ लाख ६८ हजार खुद नाफा गर्न सफल भएको हो ।
हाल ८५ करोड ५१ लाख ४० हजार चुक्तापूँजी रहेको उक्त कम्पनीको जगेडा कोष रकम भने ८४ दशमलव ८६ प्रतिशत बढी अर्थात् ३५ करोड ३३ लाख ५४ हजार कायम भएको छ ।
अघिल्लो वर्ष २४ करोड ८४ लाख ५३ हजार सञ्चालन मुनाफा गरेको उक्त कम्पनीको गत वर्ष यो मुनाफा रकम १९ करोड १३ लाख २६ हजारमा खुम्चिएको छ । अघिल्लो वर्ष शून्य रहेको खराब कर्जा संकलन गत वर्ष भने ६ करोड २८ लाख ७६ हजार संकलन भएको छ ।
विभिन्न बैंक तथा वित्तीय संस्थाबाट गत चौथो त्रैमाससम्म ३ अर्ब ९४ करोड ५१ लाख ८५ हजार कर्जा सापटी लिएको उक्त कम्पनीले ५ अर्ब ८४ करोड २८ लाख कर्जा प्रवाह गरेको छ ।सो अवधिसम्म कम्पनीले १ अर्ब ५८ करोड ६० लाख ४९ हजार निक्षेप संकलन गरेको छ ।
निक्षेप संकलन अघिल्लो वर्षभन्दा ३१ प्रतिशत बढी र कर्जा प्रवाह २५ प्रतिशत बढी भएको हो । कम्पनीले अघिल्लो वर्षभन्दा साढे ३२ गुणा बढी कर्जा सापटी लिएको छ ।
अघिल्लो वर्ष १ दशमलव २० प्रतिशत रहेको निष्क्रिय कर्जा गत वर्ष ३ दशमलव ६५ प्रतिशत पुगेको छ । उक्त अवधिसम्म कम्पनीको प्रतिशेयर आम्दानी १८ रुपैयाँ ९८ पैसा र प्रतिशेयर नेटवर्थ १४१ रुपैयाँ ३२ पैसा रहेको छ ।
