काठमाडौँ । मेगा बैंक नेपाल लिमिटेडले आर्थिक वर्ष २०७५/०७६ को लागि लाभांश घोषणा गरेको छ । बैंकले आफ्ना शेयरधनीलाई ११.७५ प्रतिशत नगद लाभांश घोषणा गरेको हो ।
बैंकको बुधबार बसेको सञ्चालक समितिको २६२ औं बैठकले एक अर्ब २२ करोड ६ लाख रुपैयाँ बराबरको नगद लाभांश घोषणा गरेको हो ।
उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले स्वीकृति गरेपछि मात्र शेयरधनीले पाउनेछन् । 
