काठमाडौं । कामना सेवा विकास बैंकले करिब सात वर्षमा मुद्दतिमा जम्मा गरेको रकम दोब्बर हुने नयाँ मुद्दति खाता सञ्चालनमा ल्याएको छ । बैंकले डबल डिपोजिट सुविधाको मुद्दती खाता सञ्चालनमा ल्याएको हो ।
डबल डिपोजिट मुद्दती खाता योजना अन्तर्गत ग्राहकले बैंकको मुद्दतीमा राखेको ७ वर्ष २ महिना अर्थात ८६ महिनामा दोब्बर हुने बैंकले जनाएको छ । साथै यस मुद्दति खाता अन्तर्गत एभरेष्ट इन्स्योरेन्ससँगको सहकार्यमा ७ लाखसम्मको दुर्घटना बीमा सुविधा समेत रहेको बैंकले जनाएको छ ।
काठमाडौं –३०, ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा ११७ वटा शाखा तथा ६२ वटा एटिमएममार्फत ग्राहकहरुलाई आफनो सेवा तथा सुविधाहरु प्रदान गर्दै आएको छ ।
