काठमाडौं । मुक्तिनाथ विकास बैंकको २० प्रतिशत हकप्रद भर्ने आज असोज १५ गते अन्तिम दिन रहेको छ । आज कार्यालय समयसम्म मात्र यसमा आवेदन दिन सकिनेछ । बैंकले भदौ १२ गतेदेखि प्रतिकित्ता १०० रुपैयाँ दरले ६१ करोड २९ लाख ५२ हजार २५ रुपैयाँँ बराबरको ६१ लाख २९ हजार ५२० कित्ता हकप्रद निष्कासन गरेको हो ।
यसमा साउन ३० गते सम्म कायम रहने सेयरधनीले मात्र आवेदन दिन सक्नेछन् । रेटिङ एजेन्सी इक्रा नेपालले यस हकप्रदलाई औसत आधार जनाउने ‘ग्रेड ३’ रेटिङ दिएको छ ।
बिक्री प्रबन्धकको काम भिबोर क्यापिटलले गरेको छ । मुक्तिनाथ विकास बैंकको सबै शाखा र सी–आस्वाको माध्यमबाट यसमा आवेदन दिन सकिनेछ ।
त्यस्तै, बिक्री प्रबन्धक भिबोर क्यापिटल ट्रेड टावर, काठमाडौंबाट पनि फारम प्राप्त गरी आवेदन बुझाउन पनि सकिने जनाएको छ ।
हाल यसको चुक्ता पुँजी ३ अर्ब ६ करोड ४७ लाख ६० हजार रुपैयाँ छ । हकप्रद बिक्रीपछि पुँजी ३ अर्ब ६७ करोड ७७ लाख १२ हजार रुपैयाँ पुग्नेछ ।
