काठमाडौं । मुक्तिनाथ विकास बैंकले तेस्रो त्रैमासको वित्तीय विवरण सार्वजनिक गरेको छ।बैंकले तेस्रो त्रैमासको अवधिसम्ममा ६७ करोड ६० लाख रुपैयाँ नाफा अर्जन गर्न सफल भएको छ। बैकले गत बर्षको सोहि अवधिमा ६३ करोड ५५ लाख रुपैयाँ नाफा आर्जन गर्न सफल भएको थियो । गत बर्षको तुलनामा बैंकको नाफा ८ प्रतिशतले बढेको हो ।
तेस्रो त्रैमासको अवधिसम्ममा बैंकको खुद ब्याज आम्दानी २४ प्रतिशतले बढेको छ। कम्पनीले तेस्रो त्रैमासमा १ अर्बै ६९ करोड रुपैयाँ खुद ब्याज आम्दानी गर्न सफल भएको छ। बैंकले गत बर्षको सोहि अवधिमा १ अर्ब ३६ करोड रुपैयाँ खुद ब्याज आम्दानी आर्जन गर्न सफल भएको थियो ।
समिक्षा अवधिमा बैंकले ५० अर्ब ९४ करोड निक्षेप संकलन गरेको छ भने ४७ अर्ब ५६ करोड रुपैया कर्जा प्रवाह गरेको छ। हाल बैंकको चुक्ता पुँजी ४ अर्ब ३२ करोड रुपैयाँ रहेको छ भने जगेडा कोषमा १ अर्ब भन्दा बढी रकम संचित रहेको छ। बैंकको प्रतिशेयर आम्दानी २१ रुपैयाँ ११ पैसा रहेको छ ।
