काठमाडौं । माछापुच्छ्रे बैंकले दुवईस्थ्ति मश्रिक बैंकबाट १० मिलियन अमेरिकी डलर अर्थात नेपाली एक अर्बभन्दा बढी रकम नेपाल भित्रयाएको छ । यस अघि दुवईस्थित उक्त बैंकबाट नेपालमा रकम भित्रयाउन गरेको सम्झौता अनुरुप नै उक्त रकम नेपाल भित्रयाएको बैंकले जनाएको छ।
नेपाल राष्ट्र बैंकको स्विकृती पश्चात् बैंकले १० मिलियन डलर नेपाल भित्रयाएको हो । राष्ट्र बैंकले कुल प्राथमिक पुँजीको शतप्रतिशत रकम विदेशबाट ऋण ल्याएर नेपालमा लगानी गर्न पाइने व्यवस्था गरेको छ ।
बैंकले उक्त रकम कृषि, उर्जा, पर्यटन, साना तथा मझौला व्यवसाय लगायतका अन्य बिभिन्न प्राथमिकताका क्षेत्रमा लगानी गर्ने जनाएको छ ।
