काठमाडौँ । मल्टीपर्पस फाइनान्स कम्पनी लिमिटेडको २२औं वार्षिक साधारण सभा आज हुँदैछ । फाइनान्सको कार्तिक १९ गते, बुधबार बसेको सञ्चालक समितिको बैठकले गरेको निर्णय अनुसार उक्त सभा फाइनान्सको केन्द्रिय कार्यालय राजविराज, सप्तरीमा बिहान ११ बजेबाट सुरू हुने जनाएको छ ।
सभामा सञ्चालक समितिको प्रतिवेदन माथि छलफल गरी पारित गर्ने, आर्थिक वर्ष २०७६ असार मसान्तको लेखापरीक्षण प्रतिवेदनमा छलफल तथा अनुमोदन गर्ने, आर्थिक वर्ष २०७६/७७ को लागि लेखापरीक्षक नियुक्ती गरी पारिश्रमिक निर्धारण गर्ने लगायतका एजेन्डाहरू छलफल गरी पारित गरिनेछ ।
त्यसैगरी, फाइनान्सले साधारण सभा प्रयोजनको लागि मंसिर ११ गतेदेखि बुकक्लोज गरेको छ । त्यसैले, मंसिर १० गतेसम्म कायम शेयरधनीहरूले मात्रै साधारण सभामा भाग लिन सक्छन् ।
