काठमाडौं। नेपाल राष्ट्र बैंकले चार लघुवित्त वित्तीय संस्थालाई मर्जरको लागि अन्तिम स्वीकृति प्रदान गरेको छ । महिला सामुदायिक लघुवित्त वित्तीय संस्था र जाल्पा लघुवित्तलाई र महुली लघुवित्तले नवकिरणलाई प्राप्ती गर्न अन्तिम स्वीकृति प्रदान गरेको हो ।
महिला लघुवित्तको केन्द्रीय कार्यालय घोराही दाङमा रहेको छ । जाल्पा लघुवित्तको पोखरामा केन्द्रीय कार्यालय रहेको छ।
मर्जरसँगै लघुवित्तको नाम जाल्पा सामुदायिक लघुवित्त रहनेछ। मर्जरसँगै लघुवित्तको केन्द्रिय कार्यालय बुटलमा रहने छ भने क्षेत्रीय कार्यालय दाङ र पोखरामा रहने संस्थाले जनाएको छ ।
महिला सामुदायिक र जाल्पा लघुवित्तको मर्जरसँगै ५७ वटा शाखा कार्यालयबाट सेवा प्रवाह गर्ने जनाएको छ ।
त्यस्तै, महुली लघुवित्तको केन्द्रीय कार्यालय सप्तरी जिल्लाको अग्निसाईर कृष्णासवरण गाउँपालिका मा रहेको छ भने नवकिरणको केन्द्रीय कार्यालय धुलिखेलमा रहेको छ । अब मर्जरपछि लघुवित्तको नाम महुली लघुवित्त रहनेछ ।
१५ जिल्ला कार्यक्षेत्र बनाई लघुवित्त सेवा प्रदान गर्दै आएको महुली लघुवित्त वित्तीय संस्थामा राष्ट्रिय स्तरको इजजात प्राप्त गरी लघुवित्त सेवा प्रदान गर्दै आएको नवकिरण मर्ज भई सवल पुँजीगत भएको राष्ट्रिय स्तरको घ वर्गको लघुवित्त हुने संस्थाले जनाएको छ ।
