काठमाडौं । मञ्जुश्री फाइनान्सले ५० करोड रुपैयाँको ऋणपत्र निष्काशन गर्ने भएको छ । कम्पनीले उक्त ऋणपत्रमा १० दशमलव ५ प्रतिशत ब्याज दिने गरी आठ वर्षे अवधिको ऋणपत्र निष्काशन गर्न लागेको जनाएको छ ।
ऋणपत्र निष्काशनको लागि कम्पनीले एनआइबिएलएस क्यापिटललाई बिक्रि प्रबन्धकमा नियुक्त गरेको छ । संस्थाले गत चैत्र २०७६ सम्म ८ अर्ब १० करोड निक्षेप संकलन गरेको जनाएको छ । हाल कम्पनीको चुक्ता पूँजी ८१ करोड ८१ लाख रुपैयाँ रहेको छ ।
