काठमाडौं । मञ्जुश्री फाइनान्सले चालु आर्थिक वर्षको तेस्रो त्रैमासको अपरिष्कृत वित्तीय विवरण प्रकाशित गरेको छ। चालु आर्थिक वर्षको चैत मसान्तसम्ममा फाइनान्सले ३७ करोड ५१ लाख ६६ हजार रुपैयाँ खुद नाफा आर्जन गरेको छ। गत आर्थिक वर्षको सोही अवधिको तुलनामा कम्पनीको नाफा ९४ दशमलव १६ प्रतिशतले बढी हो।
चैत मसान्तसम्ममा फाइनान्सको चुक्ता पूँजी १८ प्रतिशत बढेको छ । जगेडा कोष ३६.८४ प्रतिशतले बढेको छ।
यस अवधिमा फाइनान्सको खुद ब्याज आम्दानी १ दशमलव ५८ प्रतिशत घटेको छ। चैत मसान्तसम्ममा फाइनान्सको वितरणयोग्य मुनाफा २८ करोड २१ लाख ३१ हजार रुपैयाँ रहेको छ।
यस अवधिमा फाइनान्सको प्रतिशेयर आम्दानी २० रुपैयाँ ३३ पैसाबाट बढेर ५१ रुपैयाँ ८२ पैसा पुगेको छ। चैत मसान्तसम्ममा फाइनान्सको मूल्य आम्दानी अनुपात ९.७२ गुणा रहेको छ । प्रतिशेयर नेटवर्थ १६८ रुपैयाँ ९३ पैसा रहेको छ।
यस अवधिमा फाइनान्सको निक्षेप ४३.०६ प्रतिशत बढेको छ । कर्जा लगानी ७.७३ प्रतिशत बढेको छ।
