नेपाल स्टक एक्सचेञ्जले सञ्चालनमा ल्याएको अनलाईन सेयर कारोबारका लागी बैंक इन्ट्रिग्रेसन भए पनि अनलाईन कारोबार भने हुन सकेको छैन । नेपाल राष्ट्र बैंकको प्रावधान अनुसार अनलाईन मार्फत १ लाख भन्दा बढी करोबार गर्न नसकिने हुँदा लगानीकर्ताहरुले अनलाईन कारोबारको प्रयोग नगरेको स्टक ब्रोकर एशोसियशनका अध्यक्ष भरत रानाभाटले बताए ।
अनलाईन कारोबार गर्न चाहने लगानीकर्ताको लगानी सिमा ठूलो हुन्छ । १ लाख रुपैयाँ कारोबार कुनै औचित्य नभएकोले पनि लगानीकर्ताले अनलाईन कारोबार प्रयोग नगरेको हुन सक्ने उनले बताए ।
हाल चार वटा बैंक इन्ट्रिग्रेसन भएका छन् । ग्लोबल आईएमई, नेपाल इन्भेष्टमेण्ट बैंक, सिद्धार्थ र प्रभु बैंक अनलाईन कारोबारको लागी इन्ट्रिग्रेट भएका छन् । तर, केन्द्रिय बैंकको कारोबार सिमाको प्रावधानले लगानीकर्ता अप्ठेरोमा परेका छन् । तसर्थ अनलाईन कारोबारका लागी राष्ट्र बैंकको प्रावधानलाई लचिलो बनाउँनका लागी पहल गर्न ब्रोकरहरुले नेप्सेलाई अनुरोध गरेका छन् ।
