नेपाल धितोपत्र बोर्डले नेपाल स्टक एक्चेन्जलाई थप ब्रोकर लाइसेन्स दिने प्रक्रिया तत्काल अगाडी बढाउँन निर्देशन दिएको छ ।
बोर्डले आवश्यक प्रक्रिया पुरा गरेका बैंकका सहायक कम्पनीलाई ब्रोकर लाईसेन्सको लागि सिफारिस गर्न नेप्सेलाई निर्देशन दिएको हो ।
नेप्सेले पठाएको कार्य्विधिको मस्यौदा धितोपत्र ब्यवसायी नियमावली २०६४ को प्रतिकुल हुने गरी तयार गरिएको देखिएको हुँदा त्यसलाई आधिकारिकता दिन अश्वीकार गर्दै बोर्डले २०७५/०९/१८ मा तोकेको मापदण्ड अनुसार सहायक कम्पनीलाई लाईसेन्स दिन सिफारिस गर्न निर्देशन दिएको छ ।
त्यस्तै नेप्सेले यस अघि तयार पारी अध्ययन प्रतिवेदनका लागि दिएका सुझाव पनि प्रतिकुल हुने भन्दै बोर्डले खारेज गरिदिएको छ ।
प्रतिवेदनमा नेप्सेले बाणिज्य बैंकको सहायक कम्पनीको संख्या तोक्ने, न्युनतम पुँजी तोक्ने, भौतिक संरचना कायम गर्ने, सहायक कम्पनीले मुख्य कम्पनीको शाखा वा काउन्टर प्रयोग गर्न नपाउने लगायतका विषय समावेश थिए ।
