काठमाडौं । साताको पहिलो कारोबार दिन आइतबार शेयर बजार दोहोरो अंकले उकालो लागेको छ। नेप्से परिसूचक ११.६६ अंकले बढेर २७५५.४० को विन्दुमा बन्द भएको हो।
बजार बढ्दा नेप्से उपसमूहमा रहेका ७ वटा समूह बढेका छन् भने ६ वटा घटेका छन्। यो दिन अन्य समूह सर्वाधिक ३.७२ प्रतिशतले बढ्यो भने व्यापार समूह सर्वाधिक १.३२ प्रतिशतले घटेको छ।
बजारमा आज ९१ वटा कम्पनीको शेयरभाउ बढ्दा १४८ वटाको घटेको छ । यो दिन ४ कम्पनीको शेयरभाउ स्थिर रहेको छ।
आज बजारमा साढे ११ अर्ब रुपैयाँ बढीको कारोबार भएको छ। सर्वाधिक कारोबार हिमालयन रिइन्स्योरेन्सको भएको छ।
उच्च कारोबार भएका १० कम्पनी
- हिमालयन रिइन्स्योरेन्सः ९५ करोड ६४ लाख रुपैयाँ
- सिटिजन लाइफः ६१ करोड ४८ लाख रुपैयाँ
- नेपाल पुनर्बीमा कम्पनीः ६० करोड २९ लाख रुपैयाँ
- एनआरएन इन्फ्रास्ट्रक्चरः ४० करोड ६८ लाख रुपैयाँ
- सीईडीबी होल्डिङ्सः ३६ करोड ११ लाख रुपैयाँ
- घलेम्दी हाइड्रोः १९ करोड ७० लाख रुपैयाँ
- पिपुल्स हाइड्रोपावरः १९ करोड ५१ लाख रुपैयाँ
- नारायणी डेभलपमेन्ट बैंकः १६ करोड २२ लाख रुपैयाँ
- सर्वोत्तम सिमेन्टः १६ करोड १५ लाख रुपैयाँ
- एलआईसी नेपालः १५ करोड ७० लाख रुपैयाँ
