काठमाडौं । सिवाईसी नेपाल लघुवित्त वित्तीय संस्था लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। यस अवधिमा लघुवित्तले खुद नाफा ४४ दशमलव ७३ प्रतिशतले घटेको छ । यस अवधिमा कम्पनीले १ करोड ५१ लाख ३७ हजार रुपैयाँमा नाफा कमाएको छ । गत आर्थिक वर्षको सोही अवधिसम्ममा लघुवित्तले २ करोड ७३ लाख रुपैयाँ खुद नाफा कमाएको थियो।
यस अवधिमा लघुवित्तको खुद ब्याज आम्दानी ३६ दशमलव १० प्रतिशत बढेको छ । कुल सञ्चालन आम्दानी ४०.३३ प्रतिशत बढेको छ। यस अवधिमा लघुवित्तको सञ्चालन मुनाफा ५.५५ प्रतिशत घटेको छ।
यस अवधिमा लघुवित्तको चुक्ता पूँजी ४८.१५ प्रतिशत बढेको छ । जगेडा कोषको १४४.१२ प्रतिशतले बढेको छ। त्यसैगरी, लघुवित्तको निक्षेप ५१.५० प्रतिशत, सापटी २००.५० प्रतिशत र कर्जा ७६.८२ प्रतिशत बढेको छ।
यस अवधिमा लघुवित्तको प्रतिशेयर आम्दानी पनि घटेको छ। यस अवधिमा लघुवित्तको यस्तो आम्दानी ८३ रुपैयाँ ६३ पैसा घटेर ४९ रुपैयाँमा ७८ पैसामा झरेको छ।
