छोटो समयमै सानिमा लाईफ इन्स्योरेन्स कम्पनी लिमिटेडले छोटो समयमै आक्रामक व्यापार गरेको वित्तिय विवरण प्रकाशन गरेको छ ।
इन्स्योरेन्सको कुल बीमा शुल्क आर्जन रकम १३४६ प्रतिशतले वृद्धि भएको छ। कम्पनीले यस आर्थिक वर्षको तेश्रो त्रैमास सम्म ३५ करोड ७१ लाख कुल बीमा शुल्क आर्जन गरेको छ।
कम्पनीको खुद बीमा शुल्क आर्जन रकम ९१२ प्रतिशतले वृद्धि हुँदै २४ करोड ९५ लाख पुगेको छ।
कम्पनीले चालु आर्थिक वर्षको तेश्रो त्रैमास सम्म ७ करोड ६८ लाख खुद नाफा गरेको छ। कम्पनीको प्रति शेयर आम्दानी ७ रुपैयाँ ३२ पैसा रहेको छ।
कम्पनीको जगेडा कोषको आकार ९९ प्रतिशतले वृद्धि भएर १३ करोड २० लाख पुगेको छ भने जीवन बीमा कोष १५ करोड ९३ लाख पुगेको छ।
