काठमाडौं। नेपाल स्टक एक्सचेञ्ज (नेप्से) मा मंगलबार (आज) एकैदिन ५ कम्पनीको शेयरमूल्य समायोजन भएको छ ।नेप्सेमा आज नागरिक लगानी कोष, हिमालयन बैंक, लुम्बिनी विकास बैंक, मितेरी डेभलेपमेण्ट बैंक र एनएमबी लघुवित्त वित्तिय संस्था गरी पाँच कम्पनीको मूल्य समायोजन भएको हो ।
नागरिक लगानी कोषको ८२ दशमलव ८४ प्रतिशत हकप्रद शेयर पछि नेप्सेले प्रतिकित्ता २ हजार ७ सय ८४ रूपैयाँ कायम हुने गरी शेयर मूल्य समायोजन गरेको हो । नेप्सेले सोमबारको अन्तिम कारोबार मूल्य ५ हजार ८ रुपैयाँका आधारमा मूल्य समायोजन गरेको हो ।
लुम्बिनी विकास बैंक लिमिटेडको ७ प्रतिशत बोनस शेयर पछि नेप्सेले प्रतिकित्ता २ सय ४ रूपैयाँ कायम हुने गरी शेयर मूल्य समायोजन गरेको हो । नेप्सेले सोमबारको अन्तिम कारोबार मूल्य २ सय १८ रुपैयाँका आधारमा मूल्य समायोजन गरेको हो ।
मितेरी डेभलपमेन्ट बैंकको १५ प्रतिशत बोनस शेयर पछि नेप्सेले प्रतिकित्ता ३ सय ३७ रूपैयाँ कायम हुने गरी शेयर मूल्य समायोजन गरेको हो । नेप्सेले सोमबारको अन्तिम कारोबार मूल्य ३ सय ८७ रुपैयाँका आधारमा मूल्य समायोजन गरेको हो ।
हिमालयन बैंकको १४ प्रतिशत बोनस शेयर पछि नेप्सेले प्रतिकित्ता ५ सय ६१ रूपैयाँ कायम हुने गरी शेयर मूल्य समायोजन गरेको हो । नेप्सेले सोमबारको अन्तिम कारोबार मूल्य ६ सय ३९ रुपैयाँका आधारमा मूल्य समायोजन गरेको छ ।
त्यसैगरी, एनएमबि लघुवित्त वित्तीय संस्था लिमिटेडको १९ प्रतिशत बोनस शेयर पछि नेप्सेले प्रतिकित्ता ९ सय ८४ रूपैयाँ कायम हुने गरी शेयर मूल्य समायोजन गरेको हो ।नेप्सेले सोमबारको अन्तिम कारोबार मूल्य एक हजार १ सय ७१ रुपैयाँका आधारमा मूल्य समायोजन गरेको हो ।
