काठमाडौं । नेपाल स्टक एक्सचेञ्जमा दुई कम्पनीको शेयरमूल्य समायोजन भएको छ। कम्पनीहरुले आज बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो।
नेप्सेले यस दिन साहस उर्जाको ८ प्रतिशत बोनस, सानिमा रिलायन्स लाइफ इन्स्योरेन्सको १८.३८११ प्रतिशत बोनसको मूल्य समायोजन गरेको हो। समायोजनपश्चात साहस उर्जाको शेयरमूल्य ४७९ रुपैयाँ १७ पैसा कायम भएको छ भने सानिमा रिलायन्सको ४७२ रुपैयाँ ६३ पैसा कायम भएको छ।
नेप्सेले अघिल्लो कारोबार दिनको अन्तिम मूल्यका आधारमा यी स्टकहरुको मूल्य समायोजन गरेको हो। अघिल्लो कारोबार दिन अर्थात बिहीबार दोस्रो बजारमा साहस उर्जाको शेयर प्रतिकित्ता ५१७ रुपैयाँ ५० पैसामा र सानिमा रिलायन्सको ५५९ रुपैयाँ ५० पैसामा अन्तिम कारोबार भएको थियो।
आइतबार यही समायोजित मूल्यलाई आधार मानेर दोस्रो बजारमा यी कम्पनीहरुको शेयर कारोबार खुल्नेछ।
