काठमाडौं । नेपाल बैंक लिमिटेडले शेयरधनीको बैंक खातामा नगद लाभांश जम्मा गरेको छ । बैंकले गत आर्थिक वर्षको मुनाफाबाट वितरण गर्न घोषणा गरेको १० प्रतिशत नगद लाभांश बैंक खातामा पठाएको जनाएको छ ।
बैंकले पुस २५ गतेदेखि उक्त लाभांश बैंक खातामा जम्मा गर्न थालेको हो । बैंकले हितग्राही खातामा बैंक खाता अध्यावधिक गरेका शेयरधनीहरुको खातामा सो लाभांश जम्मा गरेको जनाएको छ ।
बैंकले साधारण सभा तथा लाभांश वितरण प्रयोजनार्थ पुस १३ गतेदेखि बुकक्लोज गरेको थियो। पुस १० गतेसम्म नेप्सेमा कारोबार भई कायम शेयरधनीहरुले सो लाभांश प्राप्त गर्न सक्नेछन्।
