काठमाडौं । नेपाल इन्स्योरेन्स कम्पनीका वीर कृष्ण महर्जन १५ दिनका कारण प्रमुख कार्यकारी अधिकृत बन्न नसक्ने भएका छन् । बीमा समितिले पुस २० गते बीमकको संस्थागत सुशासन सम्बन्धी निर्देशिका, २०७८ को पहिलो संशोधनमा मा थपिएको व्यवस्थाका कारण कम्पनीले उनलाई प्रमुख कार्यकारी अधिकृत बनाउन नसक्ने भएको हो ।
यस व्यवस्था अनुसार बीमा कम्पनीहरुले प्रमुख कार्यकारी अधिकृत पद रिक्त भएको अवस्थामा रिक्त भएको मितिले तीन महिना भित्रमा नियुक्त गरिसक्नु पर्नेछ भनिएको छ । समितिले सिइओ रिक्त भएको लामो समयसम्म नयाँ नियुक्ति हुन नसक्दा बीमकको व्यवस्थापन तथा संचालनमा असर पर्ने भन्दै यस्तो व्यवस्था थप गरेको हो । जवकी नेपाल इन्स्योरेन्स कम्पनी साउन १० गतेदेखि प्रमुख कार्यकारी अधिकृत विहिन छ । कम्पनीका निवर्तमान प्रमुख कार्यकारी अधिकृत विजय बहादुर शाहको कार्यकाल साउन ९ गते सकिए पछि कम्पनीले नयाँ सिइओ नियुक्त गर्न सकेको छैन ।
बीमा समितिले पुस २० गते जारी गरेको पहिलो संसोधनले तीन भित्रमा नियुक्त गरिसक्नु पर्नेछ भनिएको व्यवस्थालाई कार्यान्वयन गर्दा पनि कम्पनीले चैत २० गतेसम्ममा प्रमुख कार्यकारी अधिकृतलाई नियुक्ति गरिसक्नु पर्छ ।
कम्पनीले प्रुडेन्सियलका निवर्तमान प्रमुख कार्यकारी अधिकृत वीर कृष्ण महर्जनलाई ६ महिना पछि प्रमुख कार्यकारी अधिकृतमा नियुक्ति गर्ने गरी गत कार्तिक ५ गते नायब प्रमुख कार्यकारी अधिकृत पदमा नियुक्त गरिएको थियो । जवकी प्रुडेन्सियल इन्स्योरेन्स कम्पनीले महर्जनको राजिनामालाई कार्तिक ५ गतेदेखि नै लागु हुने निर्णय गरेको थियो । यहि हिसावले संस्थागत सुशासन निर्देशिका अनुसार उनि अयोग्य हुने छन् ।
संस्थागत सुशासन निर्देशिका २०७५ को दफा २८ मा ‘ एउटा बीमकको कायकारी प्रमुख उक्त बीमकको सेवाबाट निवृत्त भएको छ महिनाको अविध पूरा नभएसम अर्को बीमकको कार्यकारी प्रमुखको पदमा नियुक्त हुन पाउनेछैन ‘ भनिएको छ । कार्तिक ५ गते प्रुडेन्सियल छाडेका महर्जन बैशाख ५ गतेसम्म अर्को बीमा कम्पनीको प्रमुख कार्यकारी अधिकृतका लागि अयोग्य ठहरिन्छन् । उनि बैशाख ६ गतेमात्रै अर्को बीमा कम्पनीको प्रमुख कार्यकारी अधिकृत पदका लागि योग्य हुन पुग्छन् ।
बीमा समितिले पुस २० गते जारी गरेको संसोधित निर्देशिकालाई आधार मान्ने हो भने नेपाल इन्स्योरेन्स कम्पनीले अधिकतममा पनि चैत २० गतेसम्ममा प्रमुख कार्यकारी अधिकृत नियुक्ति गरिसक्नु पर्छ । यहस हिसावले महर्जन १५ दिनका कारण नेपाल इन्स्योरेन्स कम्पनीको प्रमुख कार्यकारी अधिकृत बन्न अयोग्य भएका हुन् ।
यसरी कम्पनीहरुले खुलेआम संस्थागत सुशासनको धज्जी उडाउदा पनि बीमा समितिले भने प्रश्रय दिएको छ । निर्देशिकामा रहेको लुपहोललाई टाल्नुको सट्टा उल्टै समितिले बाटो देखाइदिदै आएको छ । तर समितिको यस पटकको निर्देशिकाले भने महर्जनलाई प्रमुख कार्यकारी अधिकृत बनाउन धेरै बाधा पुर्याउनु पर्ने हुन्छ । समितिले अवको तीन महिना भित्रमा कम्पनीलाई प्रमुख कार्यकारी अधिकृत नियुक्त गर्न दवाव दिएन भने सुशासनकै उल्लङ्घन भएको ठहरिन्छ । यस्तो भएको खण्डमा समितिले कम्पनीलाई बीमा ऐनको दफा ३६ अनुसार १० हजार रुपैयाँसम्मको जरिवाना गर्न सक्नेछ । कारबाही आफैमा कम्पनीको शाखः माथिको कालो धब्बा हो ।
कुलिङ पिरियडको धज्जी उडाउँदै वीर कृष्ण महर्जन नेपाल इन्स्योरेन्समा नियुक्त, एक दिन पनि खाली बसेनन्
बीमा कम्पनीमा तीन महिनाभन्दा लामो समय कार्यकारी अधिकृत विहीन राख्न नपाइने
