चालु आर्थिक वर्ष २०७५/७६ को दोस्रो त्रैमासको अवधिमा निर्जीवन बीमा कम्पनीहरुले १० लाख ३५ हजार ६ सय ९८ वटा बीमालेख जारी गरेका छन् । चालुु आवको दोस्रो त्रैमासमा १९ निर्जीवन बीमा कम्पनीहरुले १० लाख ३५ हजार ६ सय ९८ बीमालेख जारी गरेका हुन् । अघिल्लो आवको सोही अवधिमा कम्पनीहरुले ९ लाख २१ हजार ७ सय ७१ वटा बीमालेख जारी गरेका थिए ।
कम्पनीहरुले प्रकाशन गरेको वित्तीय विवरण अनुसार पुस महिना सम्ममा शिखर इन्स्योरेन्सले सबैभन्दा धेरै १ लाख ५९ हजार ९ सय ९ वटा बीमालेख जारी गरेको छ । अघिल्लो आवको सोही अवधिमा कम्पनीमा १४ लाख १ हजार ७ सय ९१ वटा बीमालेख जारी भएका थिए । त्यस्तै शिखर पछि नेको इन्स्योरेन्सले १ लाख ३८ हजार ३ सय ६८ वटा बीमालेख जारी गरेको छ । नेको इन्स्योरेन्स पछाडि बढी बीमालेख जारी गर्ने कम्पनी प्रिमियर इन्स्योरेन्स रहेको छ । दोस्रो त्रैमासको अवधिमा कम्पनीले १ हजार ३ हजार १ सय २१ वटा बीमालेख जारी गरेको छ । गत आवको सोही अवधिमा कम्पनीमा ९४ हजार ४ सय ४७ वटा बीमालेख जारी भएका थिए ।
नयाँ कम्पनीहरुले जारी गरे २४ हजार ५ सय ८१ बीमालेख
अजोड इन्स्योरेन्सको १३ हजार २ सय २८
दोस्रो त्रैमासको अवधिमा ३ नयाँ निर्जीवन बीमा कम्पनीहरुले २४ हजार ५ सय ८१ वटा बीमालेख जारी गरेका छन् । सो अवधिमा अजोड इन्स्योरेन्सले सबैभन्दा धेरै १३ हजार २ सय २८ वटा बीमालेख जारी गरेको छ । यस्तै दोस्रोमा रहेको छ जनरल इन्स्योरेन्स । दोस्रो त्रैमासको अवधिमा जनरल इन्स्योरेन्सले ८ हजार ९ सय ८० वटा बीमालेख जारी गरेको छ भने सानिमा इन्स्योरेन्सले २ हजार ३ सय ७३ बीमालेख जारी गरेको छ ।
