काठमाडौं । नारायणी डेभलपमेन्ट बैंकले आजदेखि सत प्रतिशत हकप्रद शेयर निष्काशन गरेको छ । उक्त हकप्रद शेयर मंसिर २३ गतेसम्म कायम शेयरधनीले प्राप्त गर्न सक्ने छन् । बैंकले आजदेखि पुस २७ गते सम्म हकप्रद शेयर निष्काशन तथा बिक्री खुला गर्नेछ ।
शेयरधनीहरुले मेरो शेयरको अनलाइन एप्लिकेसनका साथै आस्वा सुविधा प्रदान गर्ने सम्पुर्ण बैंक तथा वित्तीय संस्थाबाट आवेदन दिन सक्ने छन् ।
हकप्रद शेयर निष्काशनका लागि गरिएको रेटिङ अनुसार यदि बैंकले समयमा वित्तीय दायित्व पुरा गर्न चुक्ने अवस्थामा ज्यादै उच्च जोखिम रहेको संकेत प्रदान गर्ने ‘इक्रा एनपि आइआर सि प्लस’ प्राप्त गरेको छ ।
बैंकको हालको चुक्ता पूँजी १३ करोड १२ लाख रुपैयाँ रहेको छ । हकप्रद शेयर निष्काशन पछि बैंकको चुक्ता पूँजी २६ करोड २४ लाख रुपैयाँ पुग्नेछ ।
