काठमाडौं। प्रिमियर इन्स्योरेन्सको स्वामित्वमा रहेको नागरिक लगानी कोषकोे ५० हजार कित्ता संस्थापक सेयर लिलामी भर्ने आज अन्तिम रहेको छ । कम्पनीले भदौ ८ गतेबाट शेयर लिलामीमा ल्याएको हो । जसमा न्यूनतम २३ सय रुपैयाँ भाउ राखेर आवेदन दिन सकिनेछ ।
लगानीकर्ताले यही न्यूनतम मूल्यलाई आधार मानेर सो वा त्यसभन्दा बढी मूल्य अंकित गरी बोलपत्र पेश गर्नुपर्नेछ ।
जसमा लगानीकर्ताले न्यूनतम १०० कित्ता र १० ले भाग जाने गरी अधिकतम सम्पूर्ण कित्ताका लागि पनि आवेदन दिन सक्नेछन् । कम्पनीको बिक्री प्रबन्धक नबिल इन्भेष्टमेन्ट र प्रिमियर इन्स्योरेन्सको केन्द्रीय कार्यालय नक्साल काठमाडौंबाट पनि आवेदन दिन सक्ने व्यवस्था गरेको छ ।
