काठमाडौं । नबिल इक्विटी फन्डको भदौ मसान्तसम्म प्रतिइकाई खुद मूल्य (न्याभ) बढेको छ । एक महिनाको अवधिमा फन्डको न्याभ १८ पैसाले बढेर १० रुपैयाँ ९६ पैसा पुगेको छ । साउन मसान्तमा यसको न्याभ १० रुपैयाँ ७८ पैसा रहेको थियो । भदौ मसान्तसम्ममा सूचीकृत कम्पनीहरुको शेयरमा लगानी पनि बढेको छ ।
सूचीकृत कम्पनीहरुको सेयरमा लगानी ७ दशमलव ७८ प्रतिशत ले बढेर ८५ करोड २१ लख ६१ हजार ७३२ रुपैयाँ कायम भएको छ ।अघिल्लो महिनामा फन्डले सूचीकृत कम्पनीको सेयरमा ६९ करोड ७८ लाख ४ हजार रुपैयाँ लगानी गरेको थियो ।
भदौ महिनामा फन्डले ५८ वटा सूचीकृत कम्पनीको शेयरमा लगानी गरेको छ । सबैभन्दा धेरै लगानी नागरिक लगानी कोषको शेयरमा १५ हजार १ कित्ता सेयरमा ५ करोड १० लाख ३ हजार रुपैयाँ लगानी गरेको छ ।
