ज्योति लाईफ इन्स्योरेन्सका ग्राहकहरुले राप्तीलाईफ केयर अस्पतालमा उपचार गराउँदा विभिन्न सेवामा छुट पाउने भएका छन् । आफ्नो ग्राहकहरुलाई बीमा सेवाका अतिरिक्त देशको सम्पुर्ण प्रदेशहरुमा अन्य सेवा सुविधा विस्तार गर्ने क्रममा तुल्सीपुर, दाङ्ग स्थित राप्ती लाईफ केयर अस्पतालँंग स्वास्थ्य सेवामा साझेदारी गर्ने सम्बन्धमा सम्झौता सम्पन्न गरेको हो ।
सम्झौतापत्रमा इन्स्योरेन्सका कार्यकारी उप–प्रमूख प्रकाश बिक्रम खत्री र र अस्पतालका प्रमुख कार्यकारी अधिकृत हरी प्रसाद रिजालले सयुक्त रुपमा हस्ताक्षर गरे । सम्झौता पश्चात दाङ्ग लगायत आसपास क्षेत्रका कम्पनीसँग आबद्ध सम्पूर्ण महानुभावहरु लाभान्वित हुने कम्पनीले विश्वाश लिएको छ ।
उक्त सम्झौता पछि ज्योति लाईफ इन्स्योरेन्समा आबद्ध निश्चत मापदण्ड पुरा गरेका ग्राहक,अभिकर्ता,कर्मचारी तथा शेयरधनीहरुलाई विशेष कार्ड जारी गरिने र उक्त कार्डबाहक तथा निजका परिवारका सदस्यहरुले अस्पतालबाट उपलब्ध हुने उच्च स्तरिय स्वास्थ्य उपचार सेवामा विशेष छुट प्राप्त गर्न सक्नेछन् ।
