काठमाडौं । जनरल इन्स्योरेन्स कम्पनीको उच्च व्यवस्थापन तहमा रहेका कर्मचारीले आर्थिक वर्ष २०७७/७८ मा एक करोड रुपैयाँ तलब, भत्ता, बोनस तथा सुविधा बुझेका छन् । यस आर्थिक वर्षमा जम्मा तीन महिना मात्रै काम गरेका प्रमुख कार्यकारी अधिकृत राम चन्द्र श्रेष्ठले ८ लाख ६९ हजार ३५५ रुपैयाँ मात्रै बुझेका छन् । उनि २०७७ चैत २७ गते नियुक्त भएका थिए ।
त्यस्तै २०७७ माघ १८ गतेसम्म काम गरेका महाप्रबन्धकले २३ लाख १० हजार रुपैयाँ बुझेको कम्पनीले जनाएको छ । अर्का उप निर्देशक राजेश प्रसाद मानन्धर पनि २०७७ पुस २९ गतेसम्म मात्रै कार्यरत थिए । यस आर्थिक वर्षमा उनले पनि १५ लाख ८० हजार रुपैयाँ बुझेका थिए ।
सहायक महाप्रबन्धक बिनेश माश्केले यस आर्थिक वर्षमा २७ लाख ५६ हजार रुपैयाँ प्राप्त गरेका छन् भने सहायक महाप्रवन्धक निल बहादुर बरालीले २४ लाख ८८ हजार २२९ रुपैयाँ प्राप्त गरेका छन् । अन्य निर्जीवन बीमा कम्पनीहरुको तुलनामा यस कम्पनीको उच्च व्यवस्थापन तहका कर्मचारीको तरलब सुविधा धेरै कम देखिएको छ । सिइओ राम चन्द्र श्रेष्ठले यस आर्थिक वर्षमा तीन महिना मात्रै काम गरेकाले पनि उनको तलब सुविधा कम देखिएको हो ।
यस आर्थिक वर्षमा संचालक समिति समितिका पदाधिकारीहरुले बैठक भत्ता बापत ८ लाख ७८ हजार रुपैयाँ बुझेका छन् । अध्यक्षलाई प्रति बैठक भत्ता ८ हजार रुपैयाँ र संचालकहरुलाई प्रति बैठक भत्ता ६ हजार रुपैयाँ दिदै आएको छ । संचालकहरुले यस बाहेक पत्रपत्रिका, टेलिफोन, इन्टरनेट लगायतको सेवा सुविधा उपलब्ध गराउनका लागि मासिक १० हजारकादरले रकम भुक्तानी दिने गरिएको छ ।
