जनउत्थान सामुदायिक लघुवित्तले फेरी हकप्रद शेयर निष्काशन गर्ने भएको छ । असार ७ गते बसेको १ सय ३४ औं संचालक समितिको बैंठकले निर्णय गरेअनुसार असार ३० गते साधारण सभा आव्हान गरेको छ । लघुवित्तले बोशन शेयर वितरण पश्चात कायम हुने चुक्ता पुँजीको ५० प्रतिशतको दरले हकप्रद शेयर निष्काशन गर्ने प्रस्ताव गरेको हो ।
कम्पनीले ६ करोड ३३ लाख ६० हजारको ५० प्रतिशतको दरले हकप्रद शेयर निष्काशन गर्ने प्रस्ताव गरेको हो । उक्त हकप्रद प्रस्ताव पारित गर्न कम्पनीले असार ३० गते साधारणसभा बोलाएको हो। साधारणसभा प्रयोजनको लागि कम्पनीले असार १८ गते बुक क्लोज गर्ने निर्णय गरेको छ । असार १७ गतेसम्म कायम शेयरधनीले मात्र साधारणसभामा भाग लिन पाउने छन् ।
कम्पनीले असार १२ गतेदेखि १ बराबर १ को अनुपातमा शतप्रतिशत हकप्रद जारि गर्ने तयारी गरेको छ। संस्थाले गत आर्थिक वर्षको मुनाफाबाट हाल कायम चुक्ता पूँजीको २० प्रतिशत बोनस शेयर वितरण गर्ने घोषणा गरेको छ।
हाल लघुवित्तको चुक्ता पुँजी २ करोड ८८ लाख रुपैयाँ रहेको छ । हकप्रद र बोनस पछि लघुवित्तको चुक्ता पूँजी ६ करोड ३३ लाख ६० हजार रुपैयाँ पुग्नेछ।
साथै, लघुवित्तले साधारणसभामा उपयुक्त संस्थासंग गाभ्ने गाभिने निर्णय गर्नको लागि संचालक समितिलाई अख्तियारी दिने प्रस्ताव पनि पेश गर्ने भएको छ ।
