काठमाडौं । घोडीघोडा लघुवित्त वित्तीय संस्थाले चालु आर्थिक बर्षको तेस्रो त्रैमासको वित्तीय विवरण सार्वजनिक गरेको छ। लघुवित्तको नाफा गत बर्षको तुलनामा १२ प्रतिशतले घटेको छ। कम्पनीले तेस्रो त्रैमाससम्ममा २१ लाख ५२ हजार रुपैयाँ नाफा आर्जन गरेको छ। गत बर्षको सोहि अवधिमा लघुवित्तले २४ लाख ६३ हजार रुपैयाँ खुद नाफा आर्जन गरेको थियो ।
त्यस्तै, संस्थाले चैत मसान्तसम्ममा संचालन नाफा गत बर्षको तुलनामा ५३ प्रतिशतले घटेर ७ लाख ५४ हजार रुपैयाँमा सिमित भएको छ। संस्थाको खुद ब्याज आम्दानी ५६ प्रतिशतले बढेर १६ लाख ४८ रुपैयाँ पुगेको छ।
संस्थाले तेस्रो त्रैमासको अवधिसम्ममा ३० करोड ७६ लाख रुपैयाँ सापटी र ३ करोड ५३ लाख बचत संकलनबाट ३२ करोड ७० लाख रुपैयाँ बर्जा प्रवाह गरेको छ ।संस्थाको प्रतिशेयर आम्दानी १० रुपैयाँ ३९ पैसा र प्रतिशेयर नेटवर्थ १९ रुपैयाँ २१ पैसा रहेको छ ।
