घोडीघोडा लघुवित्त वित्तीय संस्थाले असार २० गतेदेखि घोडिघोडा आइपीओ निष्कासन गर्ने भएको छ । कम्पनीले प्रतिकित्ता १ सय रुपैयाँ दरले १ लाख ३२ हजार ६ सय कित्ता आइपीओ निष्कासन गर्न लागेको हो ।
यसमध्ये १ हजार ३ सय ८० कित्ता कम्पनीका कर्मचारी र ६ हजार ६ सय ३० कित्ता सेयर सामूहिक लगानी कोषहरुलाई छुट्याइएको छ । बाँकी १ लाख २४ हजार ५ सय ९० कित्ता सेयरमा सर्वसाधारणले आवेदन दिन सक्नेछन् ।
आइपीओ असार २५ गतेसम्म भर्न सकिनेछ । यस अवधिमा आवश्यक मात्रामा आवेदन नपरेमा भने साउन १९ गतेसम्म भर्न सकिनेछ । आईपीओ निष्काशन तथा बिक्री प्रवन्धकमा प्रभु क्यापिटल रहेको छ ।
नेपाल धितोपत्र बोर्डबाट आस्वा सुविधाका लागि अनुमति प्राप्त सम्पूर्ण बैंक तथा वित्तीय संस्थाबाट आवेदन दिन सकिनेछ। साथै मेरो शेयर मार्फत अनलाइन आवदेन दिन सकिनेछ।
