काठमाडौं । घलेम्दी हाइड्रोले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ।
समीक्षा अवधिमा कम्पनीले १ करोड ८६ लाख रुपैयाँ घाटा व्यवहोरेको छ। अघिल्लो वर्ष यही अवधिमा पनि कम्पनीले १ करोड ९४ लाख रुपैयाँ घाटा व्यहोरेको थियो। अघिल्लो वर्षको तुलनामा कम्पनीले घाटा घटाएको छ।
दोस्रो त्रैमासमा कम्पनीले विद्युत बिक्रीबाट २ करोड ९२ लाख रुपैयाँ आम्दानी गरेको छ। अघिल्लो वर्ष यस्तो आम्दानी २ करोड ७३ लाख रुपैयाँ थियो। समीक्षा अवधिमा विद्युत बिक्रीको आम्दानीमा ७.१६ प्रतिशतको बढोत्तरी भएको छ।
चुक्तापुँजी १ अर्ब ३२ करोड रुपैयाँ रहेको कम्पनीको रिजर्भ १८ करोड २४ लाख रुपैयाँले ऋणात्मक रहेकोछ। अघिल्लो वर्ष यही अवधिमा पनि कम्पनीको रिजर्भमा ९ करोड ५६ लाख रुपैयाँले ऋणात्मक थियो।
कम्पनीको वार्षिकीकृत प्रतिशेयर आम्दानी १.४० रुपैयाँले ऋणात्मक रहेको छ। कम्पनीको प्रतिशेयर नेटवर्थ ११६.७४ रुपैयाँ रहेको छ।
