काठमाडौं । ग्लोबल आइएमई लघुवित्त वित्तीय संस्थाले आफ्ना सदस्यहरुलाई आर्थिक सहयोग हस्तान्तरण गरेको छ । संस्थाले देशका विभिन्न स्थानहरुमा हाल भइरहेको विभिन्न प्रकोप बाढी पहिरो तथा विपत्तीमा परेका आफ्ना सदस्यहरुलाई ३१ लाख ६३ हजार ४५० रुपैयाँ आर्थिक सहयोग गरेको जनाएको छ ।
सहयोग गरेको कुल रकममध्ये मनाङ र मेलम्चीको बाढी पहिरो बाट प्रभावित सदस्यहरुलाई ५ लाख १९ हजार तथा कोरोना भाईरसको संक्रमणबाट प्रभावित सदस्यहरुलाई औषधोपचार खर्च बापत रकम २६ लाख ४४ हजार ४५० रुपैयाँ सहयोग वितरण गरेको संस्थाले बताएको छ ।
