काठमाडौं । ग्लोबल आइएमई लघुवित्त वित्तीय संस्थाले आगलागी पिडितलाई आर्थिक सहयोग उपलव्ध गराएको छ ।संस्थाले बाँके जिल्ला नरैनापुर गाँउपालिका वडा नं ४ स्थित खोदामा गाँउका आगलागी पिडीत १४ घर परिवारलाई प्रति परिवार ५ हजार ५ सय रुपैयाँका दरले नगद ७७ हजार रुपैयाँ नगद प्रदान गरेको हो ।
राहत वितरण कार्यक्रममा नरैनापुर गाउँपालिकाका प्रमुख स्तयाक अहमद साह तथा नरैनापुर वडा नं.४ का वडा अध्यक्ष दिनेश शर्मा ज्यूको समेत उपस्थिती रहेको थियो । सो कार्यक्रममा गाँउपालिका प्रमुख साहले वित्तीय संस्थाले दुखःको समयमा ग्रहकलाई माया गर्ने संस्थालाई सधै माया गर्न तथा सदस्य नभएका व्यक्तिहरु पनि सदस्य भएर सेवा लिन अनुरोध गरे ।
सो कार्यक्रममा सस्थाका नरैनापुर शाखाका शाखा प्रमुख असलम दर्जीले संस्थाले आफना सदस्यहरुलाई परेको दैवी विपत्तीमा संस्थाले राहत रकम प्रदान गरेको जानकारी गरे ।संस्थाका ग्राहकको दु.ख भनेको संस्थाको दु.ख भएको र यस्ता दुखमा ग्लोबल आइएमई लघुवित्त वित्तीय संस्थाले सधै साथ दिने बित्तीय संस्थाका निमित्त प्रमुख कार्यकारी अधिकृत हरिकृष्ण जोशीले जानकारी गराएका थिए ।
