काठमाडौं । गरिमा विकास बैंकले कोरोना भाइरस नियन्त्रण तथा उपचार अभियानका लागि ३५ लाख रुपैयाँ आर्थिक सहयोग गर्ने भएको छ । बैंकले प्रदेशका लागि ५ लाखको दरले कुल ३५ लाख रुपैयाँ राहत स्वरुप प्रदान गर्ने घोषणा गरेको हो ।
सरकारले घोषणा गरेको लकडाउन अवधिमा तथा संक्रमणको समयमा मानिसहरुको स्वास्थ्य परिक्षण गर्न गराउन, दैनिक उपभोग्य बस्तुको जोहो गर्न र क्वारेन्टाइनमा रहेका व्यक्तिहरुको व्यवस्थापन मिलाउन राज्यलाई सहयोग गरेको बैंकले जाानकारी दिएको छ। यो रकम प्रदेश सरकारहरुको राहत कोषमा जम्मा गरिने बैंकले जनाएको छ।
