काठमाडौं। लुम्बिनी विकास बैंकले चालु आर्थिक वर्षको तेस्रो त्रैमासको वित्तीय विवरण सावर्जनिक गरेको छ। बैंकले यस त्रैमासको अवधिसम्ममा ४२ करोड ३७ लाख रुपैयाँ खुद नाफा आर्जन गर्न सफल भएको छ। गत वर्षको सोहि अवधिमा बैंकले ४३ करोड ७६ लाख रुपैयाँ नाफा आर्जन गरेको थियो । गत आर्थिक बर्षको तुलनामा बैंकको नाफा ३ प्रतिशतले घटेको छ।
समिक्षा अवधिमा बैंकको खुद ब्याज आम्दानी र संचालन नाफा क्रमशः ५ दशमलव ९६ प्रतिशत र ५ दशमलव २२ प्रतिशतले घटेको छ । बैंकको खुद ब्याज आम्दानी र सञ्चालन नाफा घट्दा नाफा घट्न पुगेको छ।गत वर्ष ९० करोड १४ लाख रुपैयाँ खुद ब्याज आम्दानी गरेको बैंकको यो त्रैमासमा घटेर ८४ करोड ७५ लाख रुपैयाँमा सीमित भएको छ।
बैंकको हालको चुक्ता पुँजी २ अर्ब ९० करोड रुपैयाँ रहेको छ भने रिजर्भ कोषमा १ अर्ब ५५ करोड रुपैयाँ रहेको छ । प्रतिशेयर आम्दानी १९ रुपैयाँ ४४ पैसा (वार्षिक) रे प्रतिशेयर नेटवर्थ १ सय ६५ रुपैयाँ ६७ पैसा छ ।
