काठमाडौं । कोरोना बीमा मापदण्ड २०७७ कानुन सम्मत नभएको भन्दै दायर भएको रिटलाई सर्वोच्च अदालतले न्यून प्राथमिकता दिएको पाइएको छ । न्यायाधिश हरिकृष्ण कार्की र पुरुषोत्तम भण्डारीको संयुक्त इजलासमा हेर्न नभ्याइएका कारण अर्को पेशीका लागि सरेको हो ।
पहिलो नम्वरमा रहेको काठमाडौंको लगनस्थित पुरातत्व सम्बन्धी मुद्दामा लामो बहस भएका कारण दोस्रो नम्वरदेखि तलका सबै मुद्दाहरु आज हेर्न नभ्याइएको सर्वोच्च अदालतले जनाएको छ ।
रिट दायरकर्ता भाइ राजा राईका अनुसार अब असोज १८ गतेपछि मात्रै उक्त रिटमाथि छलफल हुनेछ । यद्यपि आज अर्को तारेख नपाएको अधिवक्ता राईले बताए ।
सर्वोच्च अदालतको आदेशमा भाइराजा राई र दावा तामाङले दायर गरेको रिटमा माग गरिए बमोजिम अन्तरिक आदेश जारी गर्ने सम्बन्धमा छलफलका लागि आज बोलाएको थियो । सोही मुद्दामा अर्थमन्त्रालय र बीमा समितिले १५ दिनभित्र लखित जवाफ पेश गरेपछि बहस हुने भएको छ ।
*अपडेट गरिएको ।
