काठमाडौं । कुमारी बैंकको ३ लाख बढी कित्ता शेयर बिक्रीमा राखिएको छ। बैंकको संस्थापक समूहको ३ लाख ४ हजार ७२१ कित्ता शेयर बिक्रीमा राखिएको हो।
यो शेयरमा हाललाई विद्यमान संस्थापक शेयरधनीहरुले मात्रै खरिद आवेदन दिन पाउनेछन्। आवेदन दिन ३५ दिनको म्याद दिइएको छ।
इच्छुक संस्थापक शेयरधनीहरुले तोकिएको समयावधिभित्र काठमाडौंको टंगालस्थित कुमारी बैंकको प्रधान कार्यालय र नक्सालस्थित कुमारी क्यापिटलमा निवेदन दिन सक्नेछन्।
तोकिएको समयभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने बैंकले जनाएको छ।
