काठमाडौं । केही दिनभित्रै एलन मस्कको सम्पत्तिमा भारी उछाल आएको छ। उनको कुल सम्पत्ति अहिले ५०० अर्ब डलर पुग्न लागेको छ।
केही दिनअघि मात्रै ४०० अर्ब डलरका सम्पत्तिका साथ मस्कले नयाँ कीर्तिमान बनाएका थिए। अब एकपटक फेरि उनी ठूलो कीर्तिमान बनाउने नजिक पुगेका छन्। मस्कको सम्पत्ति छिट्टै बढेर ५०० अर्ब डलर पुग्न सक्छ।
ब्लुमबर्ग अर्बपतिका अनुसार हाल एलन मस्कको कुल सम्पत्ति ४७४ अर्ब डलर छ। उनको सम्पत्ति पछिल्लो २४ घन्टामा १९.२ अर्ब डलरले बढेको छ।
एक वर्षमा एलन मस्कको सम्पत्तिमा भएको वृद्धि छ। उनले एक वर्षमा २४५ अर्ब डलर कमाएका छन्। आफ्ना कम्पनीको शेयरमा भएको शानदार वृद्धिका कारण उनले एक वर्षमा यति धेरै आम्दानी गरेका छन्।
एलन मस्क हाल विश्वको सबैभन्दा धनीव्यक्ति हुन्। उनीछि जेफ बेजोसको कुल सम्पत्ति २५१ अर्ब डलरको सम्पत्तिका साथ दोस्रो स्थानमा छन्। यो वर्ष उनले सम्पत्ति ७४.५ अर्ब डलरले बढेको छ।
तेस्रो स्थानमा मार्क जुकरबर्ग छन्। उनको सम्पत्ति यस वर्ष अहिलेसम्म ९२.६ अर्ब डलरले बढेको छ र उनको कुल सम्पत्ति २२१ अर्ब डलर छ। यो मस्कको यो वर्षको कमाइभन्दा कम हो।
मस्कले अमेरिकी राष्ट्रपति चुनावमा डोनाल्ड ट्रम्पलाई खुलेर समर्थन गरेका थिए। ट्रम्पले जित्दा उनका कम्पनीको शेयरमा भारी वृद्धि भएको थियो।
ब्लुमबर्ग बिलियनेर्स इन्डेक्सको तथ्यांकअनुसार नोभेम्बर ५ मा मस्कको सम्पत्ति २६४ अर्ब डलर थियो। करिब ४० दिनमा मस्कको सम्पत्ति २१० अर्ब डलरले बढेको छ। यो वर्ष उनको सम्पत्ति १०७.१ प्रतिशतले बढेको छ।
मस्कले टेस्लाको लगभग १३% स्वामित्व राख्छन्। टेस्लाको शेयरभाउ रकेट बनेको छ। एक महिनामा ३६ प्रतिशतभन्दा बढीले उकालो लागिसकेको छ।
स्पेसएक्सको ४२ प्रतिशत हिस्सा मस्कसँग छ। यो कम्पनीले पनि आकर्षक प्रदर्शन गरिरहेको छ। यसबाहेक उनीसँग एक्स कर्पोरेसनको पनि ७९ प्रतिशत स्वामित्व हुने अनुमान गरिएको छ।
