काठमाडौं । यो साता शेयर बजार ४ दिन कारोबार भएको छ। जसमा बजार ३ दिन घट्यो भने १ दिनमात्रै बढेको छ। यो साता शेयर बजारमा ६१.९६ अंकको गिरावट आएको छ। अघिल्लो साता २१३१.४९ को विन्दुमा बन्द भएको नेप्से परिसूचक २०६९.५३ को विन्दुमा बन्द भएको छ।
नेप्से उपसमूहमा रहेका १३ वटा समूहमध्ये १० वटा समूह यो साता घटेको छ भने ३ वटा समूहमात्रै बढेको छ। यो साता होटेल तथा पर्यटन, उत्पादन तथा प्रशोधन र म्युचुअल फन्ड समूह क्रमशः १.४ प्रतिशत, ३.८६ प्रतिशत र ०.३७ प्रतिशतले बढेका छन्।
यो साता बैंकिङ समूह ६.१६ प्रतिशतले घट्दा विकास बैंक समूहमा २.६२ प्रतिशत, वित्त समूहमा ०.५१ प्रतिशत, जलविद्युत समूहमा १ प्रतिशत, लगानी समूहमा १.६३ प्रतिशत, जीवन बीमा समूहमा २.८१ प्रतिशत, लघुवित्त समूहमा ४.९४ प्रतिशत, निर्जीवन बीमा समूहमा ३.२५ प्रतिशत, अन्य समूहमा १.७७ प्रतिशत र व्यापार समूहमा ०.६६ प्रतिशतको गिरावट आएको छ।
बजार घट्दा लगानीकर्ताको सम्पत्ति पनि २.९१ प्रतिशतले घटेको छ। अघिल्लो साता नेप्सेको कुल बजार पुँजीकरण ३३ खर्ब ७९ अर्ब ९१ करोड रुपैयाँ रहेकोमा यो साता घटेर ३२ अर्ब ८१ करोड ६६ लाख रुपैयाँमा सीमित बनेको छ। लगानीकर्ताको सम्पत्ति करिब १ खर्ब रुपैयाँले घटेको छ।
