काठमाडाैं । चिनियाँ जीवन बीमक चाइना लाइफ इन्स्योरेन्सका पूर्व अध्यक्ष वाङ बिनलाई भ्रष्टाचारकाे आराेपमा पक्राउ गरिएकाे छ। चीनमा वित्तीय उद्योगमा भएकाे अनियमितता विरुद्ध बेइजिङको आक्रामक कारवाही क्र्याकडाउन जारी रहँदा कैद हुने सबैभन्दा नयाँ हाई प्रोफाइल बोस बनेका छन्।
बीबीसीका अनुसार वाङलाई दुई वर्षको राहत सहित आजीवन कारावासको सजाय सुनाइएको छ। दुई वर्षपछि, उनलाई सिदा बिनाको सजाय आजीवन कारागारमा परिणत हुनेछ, चिनियाँ प्रान्तीय अदालतकाे आदेशले भनेको छ।
पूर्वी चीनको शानडोङ प्रान्तको जिनानको एक अदालतले वाङलाई ३२ करोड ५० लाख युआन (४ कराेड ४६ लाख अमेरिकी डलर ) घुस लिएको दोषी ठहर गरेको छ। कम्पनीभित्र कम्युनिष्ट पार्टीका प्रमुख समेत रहेका वाङलाई अवैध रूपमा ५ करोड ४२ लाख युआन विदेशी निक्षेप लुकाएको अभियोगमा एक वर्षको जेल सजाय सुनाइएको थियो।
राष्ट्रपति सी जिनपिङको ६० ट्रिलियन डलर (४८ ट्रिलियन) डलरको उद्योगमा भ्रष्टाचारमा दुई वर्षभन्दा बढी लामो कारवाहीमा फँसेका उनी प्रमुख चिनियाँ वित्तीय संस्थाका पछिल्लो प्रमुख हुन्।
२०२१ मा, चीनको सबैभन्दा ठूलो राज्य-नियन्त्रित सम्पत्ति व्यवस्थापन कम्पनीहरू मध्ये एक – हुआरंगको पूर्व अध्यक्ष लाइ सियाओमिनलाई भ्रष्टाचार र बहुविवाहकाे दोषमा मृत्युदण्ड दिइएको थियो। सोही वर्ष चाइना डेभलपमेन्ट बैंकका पूर्व अध्यक्ष हु ह्वाइबाङलाई ८५.५ मिलियन युआन घुस लिएको मुद्दामा आजीवन कारावासको सजाय सुनाइएको थियो।
