काठमाडौं ।कतार च्यारिटीले विश्वभर महामारीको रुप लिएको कोभिड १९ को उपचारमा प्रयोग हुने स्वास्थ्य सामग्री सहयोग गरेको छ। च्यारिटीले कोरोना उपचारमा प्रयोग हुने पीपीई ७ सय थान र ज्वरो नाप्ने थर्मल गन १ सय २६ थान सहयोग गरेको हो।
च्यारिटीले उक्त सामग्रीहरु कोरोनाले बढी प्रभावित नेपालका प्रदेश १, प्रदेश २ र प्रदेश ५ का प्रदेश स्वास्थ्य आपूर्ति व्यवस्थापन केन्द्रलाई हस्तान्तरण गरेको हो। उक्त सामग्री प्रदेश १ को सामाजिक बिकास मन्त्री जीवन घिमिरे मार्फत३ सय स्थान पिपीई सेट र २६ थान थर्मल गन व्यवस्थापन केन्द्र बिराटनगर लाई हस्तान्तरण गरेको हो ।
त्यस्तै, प्रदेश २ को आन्तरिक मामिला तथा कानुन मन्त्री ज्ञानेन्द्र कुमार यादब मार्फत १०० थान पीपीई सेट र ३१ थान थर्मल गन त्यहाँको व्यवस्थापन केन्द्र जनकपुरलाई हस्तान्तरण गरिएको हो। त्यस्तै प्रदेश ५ को लागि ३०० थान पीपीई र ७० थान थर्मल गन त्यहाँको व्यवस्थापन केन्द्र बुटवललाई हस्तान्तरण गरेको हो ।
कोरोना रोकथाम तथा नियन्त्रणमा सरकारले गरिरहेको काममा केहि सहयोग पुगोस र बढी प्रभावित क्षेत्रमा काम गर्न सजिलो होस् भन्ने उदेश्यले उक्त स्वास्थ्य सामग्री सहयोग गरिएको कतार च्यारिटी नेपालका परियोजना प्रबन्धक इर्शाद अलि शेखले बताए।
