काठमाडौं । ओरियन्टल होटल लिमिटेडले असोज १३ गते, बिहीबार, २५औं वार्षिक साधारण सभा गर्ने भएको छ । कम्नीको उक्त सभा राष्ट्रिय सभा गृह, प्रर्दशनीमार्ग, काठमाडौँमा बिहान ११ बजे शुरु हुने जनाएको छ । सभा भर्चुअल माध्यमबाट समेत सञ्चालन हुने होटलले जनाएको छ ।
सभाले संचालक समितिका अधयक्षले मन्तव्य सहित वार्षिक साधारण भाको प्रयोजनका लागि संचालक समितिको वार्षिक प्रतिवेदन उपर छलफल गरी पारित गर्नेछ । त्यस्तै, लेखापरिक्षक सहितको प्रतिवेदन सहितको २०७९ असार मसान्तसम्मको वार्षिक प्रतिवेदन पारित गर्ने, वित्तीय विवरण पारित गर्ने र लेखापरीक्षक नियुक्त ,निजको पारिश्रमिक तोक्ने लगायतका प्रस्तावहरु पारित गर्नेछ ।
साधारण सभा प्रयोजनार्थ होटलले भदौ ३१ गतेदेखि असोज १३ गतेसम्म बुकक्लोज गर्ने भएको छ। यस अनुसार भदौ ३० गतेसम्म नेप्सेमा कारोबार भइ कायम शेयरधनीहरुले होटलको साधारण सभामा सहभागिता जनाउन सक्नेछन् ।
