एसियन लाइफ इन्सुरेन्सको ६० प्रतिशत हकप्रद सेयर सुरक्षित आज फागुन २१ गते अन्तिम दिन हो । एसियनले ६० प्रतिशत हकप्रद सेयर बिक्री खुला गर्नका लागि बुधबार (फागुन २२ गते) बुक क्लोज गर्ने भएको छ ।
मंगलबारसम्म सेयरधनी भइसकेकाले मात्र यो हकप्रद सेयरमा आवेदन दिन सक्ने व्यवस्था गरिएको छ । कम्पनीले १ः०.६ अनुपातमा ७५ लाख ४० हजार ३५२.७३ कित्ता हकप्रद सेयर बिक्री गर्न लागेको हो । यसमा बिक्री प्रबन्धकको काम एनआइबीएल एस क्यापिटलले गर्नेछ ।
हाल यसको चुक्ता पुँजी १ अर्ब २५ करोड ६७ लाख २५ हजार रुपैयाँ छ । हकप्रद बिक्रीपछि पुँजी २ अर्ब १ करोड भन्दा धेरै पुग्नेछ । प्रतिसेयर आम्दानी ४ रुपैयाँ ३९ पैसा रहेको यस कम्पनीको प्रतिसेयर नेटवर्थ १२० रुपैयाँ ९६ पैसा छ ।
