काठमाडौं । एसियन लाइफ इन्स्योरेन्स कम्पनीको सवा ५ लाख बढी कित्ता शेयर आज साउन ३२ गतेबाट लिलामी प्रक्रियामार्फत बिक्रीमा राखिएको छ। कम्पनीको संस्थापक समूहको ५ लाख ३० हजार कित्ता शेयर बिक्रीमा राखिएको हो।
यो शेयरमा विद्यमान संस्थापक शेयरधनीका साथै जोकोही व्यक्ति, कम्पनी वा संघसंस्थाले खरिद आवेदन दिन सक्नेछन्। खरिद आवेदन भदौ ११ गतेसम्म काठमाडौंको लाजिम्पाटस्थित एनआईएमबि एस क्यापिटलको कार्यालयमा पेस गर्न सकिनेछ।
बिक्रीमा राखिएको शेयरको प्रतिकित्ता न्यूनतम २७५ रुपैयाँ कायम गरिएको थियो। बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ।
बोलपत्र पेस गर्दा न्यूनतम २ लाख कित्ताका लागि खरिद आवेदन दिनुपर्नेछ । अधिकतममा सम्पूर्ण कित्ताका लागि खरिद आवेदन दिन सकिनेछ।
