एशियन लाईफ इन्स्योरेन्स शाखा सुर्खेतले बीमा रकम हस्तान्तरण गरेको छ । कम्पनीले दुर्घटनमा परी मृत्यु भएका दिपेन्द्र थापाका परिवारलाई बीमा रकम हस्तान्तरण गरेको हो ।
कम्पनीले ठाँकीकाध गाउँपालिका १ दैलेखका बीमित दिपेन्द्र थापाका परिवारलाई २० लाख ५३ हजार रुपैयाँ हस्तान्तरण गरेको हो ।
बीमा रकम हस्तान्तरण कार्यक्रममा ठाँठिकाँध गाउँपालिकाका अध्यक्ष धीरबहादुर शाही, एशियन लाईफ इन्स्योरेन्स कम्पनीका सिनियर बिजनेश म्यानेजर कविराज कडेंल, शाखा सुर्खेतका बरिष्ठ अधिकृत पारसमणि खनाल, उप–शाखा दैलेखका प्रमुख अंकबहादुर वुढा लगायतको सहभागिता रहेको थियोे ।
मृतक बीमितको जेठ ९ गते दैलेखको गुराँसेमा मिनि ट्रक दुर्घटना हुँदा थापाको निधन भएको थियो ।
थापाले एशियन लाईफ इन्स्योरेन्समा १० लाख रुपैयाँको जीवन बीमा गराएका थिए । थापाले पहिलो किस्ता मात्र कम्पनीमा बुझाएका थिए ।
