काठमाडौं । एभरेष्ट बैंकले ३ अर्ब रुपैयाँबराबरको ऋणपत्र ल्याउने प्रक्रिया अगाडि बढाएको छ। बैंकले नेपाल धितोपत्र बोर्डमा ऋणपत्र निष्कासनको अनुमति माग्दै निवेदन दिएको हो।
धितोपत्र बोर्डले अनुमति दिएमो एभरेष्ट बैंकले ‘एभरेष्ट बैंक लिमिटेड डिबेन्चर–२०९१’ नामक ऋणपत्र ल्याउनेछ। यो ऋणपत्रका १ हजार रुपैयाँ अंकित दरका कुल ३० लाख इकाइ बैंकले बिक्री गर्नेछ।
कुल इकाइमध्ये बैंकले १८ लाख इकाइ व्यक्तिगत तबरबाट बिक्री गर्नेछ। बाँकी १२ लाख इकाइको सार्वजनिक निष्कासन गरिनेछ।
बैंकको यो १० वर्षे अवधिको ऋणपत्र हो। यसमा लगानीकर्ताले वार्षिक ७.५ प्रतिशत ब्याज पाउनेछन्।
एभरेष्ट बैंकको ऋणपत्र बिक्री प्रबन्धकमा लक्ष्मी सनराइज क्यापिटल रहेको छ।
