काठमाडौं । एभरेष्ट बैंकले भ्रमण वर्ष २०२० लाई सहयोग पु-याउने उद्देश्यले नयाँ बानेश्वर स्थित अन्तरराष्ट्रिय सम्मेलन केन्द्रको पश्चिमतर्फ छक्कुबक्कु मन्दिरनजीकै अपांगमैत्री सार्वजनिक शौचालय निर्माण गरेको छ ।
निर्माण सम्पन्न गरेसँगै बैंकले बिहीवार महानगरपालिकाको वडा नं. १० लाई सो शौचालय हस्तान्तरण गरेको छ । बैंकले यसै वर्ष विभिन्न स्थानमा गरी १४ ओटा शौचालय निर्माण गरिसकेको बताएको छ ।
उक्त शौचालय बैंकको सीएसआर कमिटीका सदस्य डा.गणेश गुरुङ र सहायक महाप्रबन्धक आशुतोष शर्माले काठमाडौं महानगर –१० का अध्यक्ष रामकुमार केसीलाई हस्तान्तरण गरे थिए ।
