काठमाडौं । एभरेष्ट बैंकका कर्मचारी परिवारले विपन्न परिवारहरुलाई राहत सामग्री वितरण गरेका छन् । बैंकका कर्मचारीहरुले लकडाउनका कारण रोजगार गुमाएका विपन्न परिवारलाई राहत सामग्री वितरण गरेका हुन् । उक्त सामाग्री देशका विभिन्न भागहरुमा स्थानीय निकायहरुको समन्वयका साथ वितरण गरिएको बैंकले जनाएको छ ।
कोभिड १९ महामारीले थप गम्भीर रूपमा नकारात्मक प्रभाव पारेको भन्दै यसको अनिश्चित प्रभाव लामो समय सम्म देखिनुको साथै वित्तीय क्षेत्रमा अधिक अस्थिरताको रुप लिन सक्ने भन्दै सहयोग गरिएको बैंकका कर्मचारीले बताएका छन् ।
हालसम्म बैंकले ९५ शाखा, ३१ राज्वस्व सङ्गकलन काउन्टरहरु र १०३ स्थानमा रहेको एटीएम बुथबाट बैंकले सेवा दिँदै आएको छ ।
